مسجد پوترا

ویکیپیڈیا سے

مسجد پُوترا، جسے مسجدِ سرخ بھی کہا جاتا ہے، ملیشیا کی خوبصورت ترین مساجد میں سے ایک ہے۔ یہ مسجد وفاقی دار الحکومت کوالا لمپور میں واقع پُوتراجایا کی مصنوعی جھیل کے کنارے بنی ہے اور اس میں 15 ہزار سے زائد نمازیوں کی گنجائش ہے۔ اس کی تعمیر 1999ء میں مکمل ہوئی۔

مسجد پُوترا کی گنبد گلابی رنگ کی ہے اور اس کی تعمیر گلابی گرینائٹ سے کی گئی ہے۔ یہ مسجد ایک وقت میں 15 ہزار سے زیادہ نمازیوں کو سمیٹ سکتی ہے۔ اس مسجد کی بنیادوں کی دیواریں مراکش کے دار الحکومت رباط میں واقع مسجد السنہ کی بنیادوں سے کافی حد تک مشابہت رکھتی ہیں۔

یہ مسجد تین اہم حصوں پر مشتمل ہے: مصلیٰ، صحن اور چند تعلیمی و تقریباتی ہال۔ مصلیٰ سادگی اور دلکشی کے امتزاج کا مظہر ہے، جسے بارہ ستونوں نے سنبھالا ہوا ہے۔ مسجد کی گنبد کے نیچے سب سے بلند نقطہ سطح زمین سے 250 فٹ بلند ہے۔

صحن میں پانی کے خوبصورت نظارے، آرائشی طرز کے حوض اور گردا گرد کے برآمدے اسے وسیع و دلکش بناتے ہیں، جو سکون و اطمینان کے ساتھ نماز ادا کرنے کا ماحول فراہم کرتے ہیں۔

اس مسجد کی دلکش مینار اپنی ساخت میں بغداد کی مسجد شیخ عمر کی مینار سے متاثر ہے۔ یہ مینار اس خطے کی بلند ترین میناروں میں شمار ہوتی ہے، جس کی اونچائی 116 میٹر ہے اور یہ پانچ طبقات پر مشتمل ہے جو ارکانِ اسلامِ خمسہ کی نمائندگی کرتے ہیں۔

ماخذ: ویکیپیڈیا، مضمون «مسجد پوترا»؛ CC BY-SA 4.0 لائسنس کے تحت بغیر تبدیلی کے نقل کیا گیا۔ مزید ویکیپیڈیا پر پڑھیں ↗ · CC BY-SA 4.0